Framtaksfúsi úrslitagóði Bill Hybels skal læra kirkjusamkomur í USA og í mongum øðrum londunum um leiðslu. Hann hevur ikki gloymt okkara smáu oyggjar. Hesi síðstu tvey árini hava lærusveinar hansara havt tvey leiðaraskeið í Norðurlandahúsinum, fyri vælfyltari høll. Aðrir góðir menn hava krydda hetta skeið. Ein av teim best kendu, var Tony Blair.

Leiðaraskeiðið var fyri samkomur/kirkjur, eisini fyri øll.

 

 Herrópið var  “Leið har túr ert”

 

 Spurningurin er um Jesus tosaði meiri um leiðslu enn um tænastu. Spurningurin er eisini um Jesus kom her sum hin stóri leiðarin ella sum hin vanvirdi tænarin. Vit kundu spurt: Nær verður eitt tænara skeið? Neyvan nakrantíð. Luttakaratalið hevði syrgt fyri tí.

 Bert nakrar tankar um leiðaraskeiðið í Norðurlandahúsinum

 

Øll so einig vilja vísa

at ein leiðara tey hýsa

djúpt í teirra gamla maga

nú tey fram hann vilja draga

Øll í konglum gerast bleyt

kirkjursamkomur í sama greyt

leiðaraskeið ei mugu missa

Bill hann roynir tey at sissa

 

Hesir skeiðleiðarar gloyma

allir sum leiðslutrælir droyma

men nú dreymin kláran síggja

lyftan upp á stóran skýggja

Norðurlandahúsið meiri enn fylt

Bill funnið upp á nakað snilt.

  

 

Øll lovprísa hesum taki

leiðaragud úr búki blaki

lat hann sleppa út at leið

kirkjursamkomur greiða

eingin sleppur her at fløkja

leiðari tú skalt øll krøkja

í tín søta bleyta falska favn

geva børnum tínum nýtt eitt navn

 

Liberalisma

postmodernisma

kristindómin tvistar

samkomukirkjur klemmast

tað er tó nemmast

Bill forfremmast

 

Slitnir politikarar teir mala

vilja annan hest at saðla

megnaðu ei bukkar leiða

droyma nú um seyð at eiga

tíðin tykkar, farin illa er

Bill hann hjálpir kanska her

 

PMH dec 2009